ባለስልጣኑ የጎቤና ሸኖዬ የወጣቶች ባህላዊ ጭፈራ ትወፊቱን በጠበቀ መልኩ አከበረ
ባለስልጣኑ የጎቤና ሸኖዬ የወጣቶች ባህላዊ ጭፈራ ትወፊቱን በጠበቀ መልኩ አከበረ
መስከረም 12/2019 ዓ.ም
**አዲስ አበባ**
የአዲስ አበባ ከተማ አስተዳደር ደንብ ማስከበር ባለስልጣን የኦሮሞ ሕዝብ ባሕላዊ መገለጫ የሆነውን የወጣቶች ክብረ በዓል "ጎቤና ሺኖዬ" ባሕላዊ እሴት ትውልድ የሚገነባበትና ለቀጣይ ማሕበራዊ ሀላፊነት በሚያበቃ ሥነ-ሥርዓት በድምቀት አክብሯል።
የ"ጎቤና ሺኖዬ" ክብረ በዓል የክረምት ወቅት አልፎ የበጋ ወቅትን በደስታና በፍቅር ለመቀበል ወጣቶች ተሰባስበው ከሳምንት በላይ የተለያዩ ባሕላዊ ጨዋታዎችን በአንድነትና በነጻነት የሚከውኑበት ደማቅ ሥነ-ሥርዓት ነው።
ባለስልጣኑ በበዓሉ አከባበር ወቅት ባዘጋጀው ልዩ መድረክ የከተማዋን ሰላምና ጸጥታ ለማስጠበቅ ደንብ ማክበርን የህብረተሰቡ ባህል ለማድረግና የደንብ መተላለፎችን አስቀድሞ ለመከላከል የሚያስችል ሰፊ የግንዛቤ ማስጨበጫ ትምህርት ሰጥቷል።
ባህላዊ እሴቶችን ማጎልበትና መጠበቅ እንደሚገባ ሁሉ፣ ህግና ደንብን ማክበርም የአንድ የሰለጠነ ማህበረሰብ መገለጫ በመሆኑ ወጣቶች የከተማዋን ደንብና ስርዓት በማስከበር ረገድ የጎላ ድርሻቸውን እንዲወጡ በመድረኩ ጥሪ ቀርቧል።
መረጃው፦ የአዲስ አበባ ከተማ አስተዳደር ደንብ ማስከበር ባለሥልጣን የኮሙኒኬሽን ዳይሬክቶሬት ነው።
Comments
Nothing was found.
Leave Your Comments